Web Directory Submission Kya Hai – Kaise Kare Blog Website SEO Ke Liye



Web Directory Submission Kya Hai  – Kya aapne Google me directory submission kaise kare blog, website ya SEO ke liye search kiya hai to aap bilkul sahi blog me hai kyunki aaj me aapko bataunga ki web directory submission kya hota hai wo bhi hindi me taki aapko sab kuch acche se samaj me ajaye aur aapka har ek doubt me is post ke jariye door karunga.

Is post ko likhne ka karan hai ki aaj ek reader ne mujhse comment ke madhyam se pucha that ki directory submission kya hai to maine ye decide kya ki isske bare me turant hi post likh du taki aise bahut se naye hindi blogging karne wale bloggers hai jinko clear nahi ho paya hai ki directory submission kya hota hai aur apne blog ya website ke SEO ke liye isse kaise kare.

To dosto agar aapke bhi mind me ye doubt hai to aapko ghabrane ki koi bhi jarurat nahi hai kyunki jaisa ki maine promise kiya tha ki iss blog me me sabse accha aur best SEO tips dunga aapko jisse ki aap ek successful blog bana sako aur blogging se acche paise kama sako.

Sach batau to jyada tar hindi bloggers ko keval on page SEO aur off page SEO ke bare me pata hai par unko actual me pata nahi hota ki ye techniques ko sahi tarike se kaise kare jissme directory submission bhi off page SEO ke ek techniques me shamil hai.

To aaj me bataunga ki isse kaise kare aur isske fayade kya hai aapke blog website SEO ke liye taki aap bhi isse karke apne blog ya website ki SEO value ko badha sako. To dosto kya aap ready hai ?

Web Directory Submission Kya Hai – Directory Submission Kaise Kare Blog Website SEO Ke Liye

Web directory ek directory hoti hai jaise ki aapne yellow pages ke bare me to jana hoga right? Web directories me bahut alag alag categories hoti hai jaise ki Technology, Health and fitness, Games, Blog ityadi.

In categories me bahut se alag alag blogs aur websites list hoti hai. Har category ke andar sub categories bhi hoti hai jo ki blogs aur websites ko behatar tarike se arrange karti hai.

Web Directory Submisson Ke Types

Kaise Kare

Directory submisson ke 3 types hote hai jissme se mai aapko bataunga ki konsa submisson best hoga aapke blog ya website ke SEO ke liye aur aapko kisse sabse jyada fayada hoga.

Niche diye gaye type hai web directory submission karne ke

  1. Free Directory Submisson ya regular submisson
  2. Paid Directory Submisson
  3. Reciprocal link sumibssion

Dosto jaise ki aap upar dekh sakte hai ki directory submission ke 3 type hote hai aur ab mai aapko bataunga ki konsa tarika sabse best hai aur konse tarike se aapko door rehna hoga.

  1. Free Directory submisson

    • Free directory submission sabse best hota hai kyunki google paid links ko bahut jyada napasand karta hai aur Google ko agar pata chal gaya ki aap apni blog ya website ki SEO value badhane ke liye paid links ka sahara le rahe hai to aapko Google penality mil sakti hai.
    • Par jaise ki aapko pata hai ki koi bhi cheez jo free ki hoti hai jaruri nahi hoti ke wo value bhi provide karegi aur aise bahut se free directores hai jo ki bahut hi high quality hoti hai jaise ki DMOZ directory.
    • Agar aap DMOZ directory me apne blog ya website ko submit karne me saffal hojate hai to aapko Google me search ranking bahut jyada acchi ho jayegi aur aapko bahut sara traffic bhi milega.
    • To aapko free directorys jo ki high quality hai aise hi directory me apne blog ya website ko submit karna hoga.
    • Paid directory submission paise lene wali directories hoti hai aur aapko me kahu to paid links se door rehna hota hai kyuki Google paid links ko like nahi karta hai aur aapko Google penality milne ke bahut chances ho jayengi.
    • Mai aisa nahi kehta ki sabhi paid link kharab hoti hai kuch aise bhi paid links hai jinka paise lene ka maksad sirf aapne directory ko high quality rakhne ka hota hai aur jo bhi website owners paisa pay karenge to wo apne blog ya website ke liye serious honge. Aap samaj sakte hai me kya kehna charaha hu yaha par..
    • Jayadatar directories jo free submission accept karti hai wo koi bhi website ko approve kar deti hai phir chahe wo spam sites ho ya phir porn sites. Aise directories me apne website ya blog ko submit karna khatre se bara hota hai.
    • To agar me personally kaho to paid directory submission ko aap na kare kyunki agar man bhi le ki wo paid directory bahut high quality hai par Google paid links ko accept nahi karta hai. Agar isske prati aapke man me koi bhi doubt hai to aap mujhse comments ke madhyam se puch sakte hai.
  2. Reciprocal link submission

    • Reciprocal link submisson bhi SEO ke nazariye se bahut kharab hai kyunki Google reciprocal links ko kharab manta hai kyunki wo issko link exchange scheme me count karti hai jo ki unnatural tarike se apne sites ki backlinks badhakar Google search me high ranking pane ki koshish karte hai.
    • Reciprocal link me aap samne wale directory ka link apne blog ya website me dalte hai aur tabhi aapke blog ya website ke link ko wo apne directory me shamil karte hai.
    • Me to aapse personally sahal dunga ki reciprocal link submisson ko kabhi bhi na kare isse aapko SEO me bahut jyada nuksaan hoga aur me 100% confident hu isse bare me.

To dosto ab aapko to pata hi chal gaya ki directory submission kitne types ke hote hai to ab actual me dekhte hai aapko directory submission kaise karna hai aur aap kaise isse bina Google penality ke apne blog ya website SEO improve karne ke liye use kar sakte hai.

Blog Website SEO Ke liye Web directory submission Kaise Kare

Ab me aapko directory submission karke ke tarike bataunga ko ki aapke blog ya website ke SEO value ko bahut hi accha aur strong kar denge jisse ki aap bahut acchi ranking milegi Google search me aur aapka backlink profile bhi bahut accha ho jayega.

Agar aap mujhse puchenge ki quality backlinks banane ke tarike konse hai jo ki sabse aasan hai to wo directory submission hai kyunki issme humo jyada magaj mari nahi karni hoti hai aur agar aapka blog ya website bhi high quality hai to aapko bade aaram se approval mil jayega

Niche diye gaye baato ko hardam dyaan me rakhna dosto directory submission karte waqt kyunki ye sab safe tarike hai directory submisison karne ka aur isse aapke blog ya website SEO pe koi bhi negative effect nahi padega.

Directory Submisson kare ke Tarike Backlinks Ke Liye

  1. Humesha high quality directories me hi apna blog ya website ko submit kare aur ye aapke SEO me bahut help karegi.
  2. Spam sites ya low quality directories se humesha door rahe aur kabhi bhi aise low quality sites par apna blog ya website ko submit na kare kyunki isse aapke Google search ranking bahut hi kam ho jayegi jisski wajah se aapka traffic bhi bahut kam hoga.
  3. Din me sirf ek se do sites par hi apne blog ya website ko submit kare kyunki isse Google ko sakh bhi nahi hoga. Khas karke jab aapki site bahut nayi hoto aapko to ye rule ko follow karna hoga warna aapko penality mil sakti hai unnatural backlinks banane ke liye.
  4. Humesha sahi category aur sub category me apna blog ya website ko submit kar jaise ki agar aapka blog bodybuilding topic me hai to aapko health and fitness ke category me submit karna hoga isse aapko SEO me bahut jyada help hogi.
  5. Porn, hacking, illegal drugs aur gambling sites ko jo website list karti hai aise directory se humesha door rahe aur bhul ke bhi aise directories me kabhi bhi apne site ko submit na kare.
  6. Lalac me akar low quality backlinks build na kare ye bahut hi kharab hoga.
  7. Aapko sirf apne blog ya website ka URL, Title, Author name, RSS feed aur ek emai address ki jarurat hoti hai.
  8. Website approve hone ke baad jyadatar aapko email ke dwara suchit kiya jata hai ki aapka link approve kar kiya gaya hai aur phir aap apne blog ya website ke link ko check kar sakte hai.

Free Directory submisson sites list in Hindi

Ab to aapko directory submission ke bare me to pata hi chal gaya hota to ab kuch quality free directory submission sites ko dekhte hai jissme aap apne blog ya website ko submit kar sakte hai. Dosto me aisa nahi karunga hi 1000 sites list karu mai kevel unhi sites ko list karunga jisse ki aapko genuine me SEO fayada ho aur na ki nuksa.

  1. DMOZ Directory ( Bahut hi high quality site hai ye )
  2. Scrub The Web Directory
  3. So much directory

Pure complete list ke liye aap is link ko follow kare – Free Directory submission sites list

Aap Ki Aur Dosto

To dosto ye tha Web Directory Submission Kya Hai ya Directory submission Kaise Kare Blog Website SEO Ke Liye. Mai dil se aasha karta hu ki ye post aapko jarrur accha laga hoga aur aap is post ko facebook, Google plus, twitter aur whatsapp me share kare aur naye hindi bloggers ko directory submission kya hota hai ke bare me jankari pane me help kare.

Agar aapke mind me kuch bhi doubt hai to aap mujhse comments ke madhyam se puch sakte hai aur me aapko puri aur best help karunga. Mera Maksad aapki help karna aur aapko a super hit blogger ke roop me dekhna hai. Thank you dosto.

4 Comments

Add a Comment

आपका ईमेल पता प्रकाशित नहीं किया जाएगा. आवश्यक फ़ील्ड चिह्नित हैं *